លោក ឃ្លាំង ហួត ចូលរួមពិធី សម្ពោធដាក់អោយប្រើប្រាស់នូវសមិទ្ធិផល នានា ក្នុងវត្ត សូរិយាពោធិមាស (វត្តក្ដីចាស់)
28-July-2016 | ដោយ មែន កំសត់
ភ្នំពេញ៖នាព្រឹកថ្ងៃទី ២៨ ខែកក្កដា ឆ្នាំ ២០១៦ វេលាម៉ោង៨និង៣០នាទី នៅវត្ត សូរិយាពោធិមាស (វត្តក្ដីចាស់) សង្កាត់បាក់ខែង ខណ្ឌជ្រោយចង្វារ បានរៀបចំពិធី សម្ពោធដាក់អោយប្រើប្រាស់នូវសមិទ្ធិផល នានា ក្នុងវត្ត សូរិយាពោធិមាស (វត្តក្ដីចាស់)ក្រោមអធិបតីភាព លោក ឃ្លាំង ហួត អភិបាលខណ្ឌជ្រោយចង្វារ ។
ពិធីនេះមានវត្តមានចូលរួម ពីសមាជិក ក្រុមប្រឹក្សា ខណ្ឌ មន្ត្រីសាលាខណ្ឌ លោកលោកស្រី អភិបាលរងខណ្ឌ កងកម្លាំងទាំង៣(អាវុធហត្ថ ស្រុក បញ្ជាការសឹករង ខណ្ឌ អធិការ នគរបាល ខណ្ឌ )ការិយាល័យ ធម្មការសាសនាខណ្ឌ លោក ប្រធានការិយាល័យ ជុំវិញខណ្ឌ មន្ត្រីរាជការក្រោមឱវាទទាំងអស់ ចៅសង្កាត់ ក្រុមប្រឹក្សាសង្កាត់ មេភូមិ នាយប៉ុស្ដិ៍ ព្រមទាំង មានការចូលរួមពីប្រជាជន សរុបប្រមាណ៦០០នាក់ផងដែរ។
ក្រោយពីស្ដាប់របាយការណ៍របស់ លោកតាតំនាងគណៈកម្មាការវត្តជុំវិញសកម្មភាពការអភិវឌ្ឍ ការងារសប្បុរសធម៌ សន្តិសុខសណ្ដាប់ធ្នាប់និងការដោះស្រាយជីវភាពរស់នៅរបស់ប្រជាពលរដ្ឋ ការចូលរួមសាងសង់របស់សប្បុរសជននានា ក្នុងនិងក្រៅស្រុក នៅទីអារាម វត្ត វត្ត សូរិយាពោធិមាស (វត្តក្ដីចាស់)សង្កាត់បាក់ខែង ខណ្ឌជ្រោយចង្វារrរួមនឹង សមិទ្ធផលនានាដែលសម្រចបានកន្លងមក គោរពជម្រាបជូនគណៈអធិបតីនិងប្រជាពលរដ្ឋរួចមក។
ឆ្លៀតក្នុងឱកាសសំណេះសំណាល លោក ឃ្លាំង ហួត អភិបាលខណ្ឌជ្រោយចង្វារ បានលើកឡើងអំពីការងារភូមិឃុំមានសុវត្ថិភាព, ការអនុវត្តច្បាប់ចរាចរណ៍ថ្មី, ការងារអត្តសញ្ញាណប័ណ្ណ, ការងារអត្រានុកូលដ្ឋាន លោកក៏ធ្វើការក្រើនរំលឹកម្តងហើយម្តងទៀត ទៅដល់អាជ្ញាធរដែនដី និង កងកម្លាំងទាំងបី ត្រូវយកចិត្តទុកដាក់ឱ្យបានខ្ពស់បំផុត ទៅលើការអនុវត្តគោលនយោបាយភូមិឃុំ មានសុវត្ថិភាព ដើម្បីការពារសន្តិសុខ សណ្ដាប់ធ្នាប់ បម្រើសេវាសាធារណៈ និង ផលប្រយោជន៍ជូនប្រជាពលរដ្ឋនៅមូលដ្ឋាន។
ជាចុងក្រោយ លោកបានបញ្ជាក់ថា ដោយសារតែប្រទេសកម្ពុជាយើង ជាប្រទេសដែលមានប្រជាធិបតេយ្យ មាននីតិរដ្ឋ និងស្ថេរភាពនយោបាយ ដោយទទួលបានសុខសន្តិភាព ទើបមានការអភិវឌ្ឍន៍ឥតឈប់ឈរពីមួយថ្ងៃទៅមួយថ្ងៃ ក៏ព្រោះតែមានការដឹកនាំដ៏ប៉ិនប្រសប់ ឈ្លៀសវៃ របស់រាជរដ្ឋាភិបាលកម្ពុជាយើង ដែលមានសម្ដេចតេជោ ហ៊ុន សែន ជានាយករដ្ឋមន្ត្រីនៃកម្ពុជា។
ក្រោយមកលោកអភិបាល និងបាននាំយកអំណោយជូន ៖១. តាជី យាយជី ២៥ នាក់ ក្នុង១នាក់ ទទួលបាន ក្រណាត់ សរ ១ដុំ និងថវិកា១០,០០០៛ /២. ប្រគេនស្លដក់ព្រះសង្ឃចំនួន ៧អង្គ ក្នុងនោះប្រគេនអង្គធំ ១ អង្គ ៦០,០០០៛ និងអង្គតូច ៦ អង្គ ក្នុង១អង្គ ៤០,០០០៛/៣. ថវិកាសំរាប់ នារីកាន់ខ្សែបូ ចំនួន ១០០,០០០៛/៤. ថវិកាសំរាប់កសាងវត្តចំនួយ ៣,០០០,០០០៛/៥. ថវិកាសំរាប់ លោកគ្រូ អ្នកគ្រូ ១៤នាក់ ក្នុង១នាក់ /២០,០០០៛ និងសិស្សានុសិស្ស ១៥ នាក់ ក្នុងមួយនាក់ ៥,០០០ រៀល សរុបទាំងអស់ចំនួន ៤,៣០៥,០០០៛ ។
ក្នុងឱកាស់នោះផងដែរលោក ឃ្លាំង ហួត អភិបាលខណ្ឌជ្រោយចង្វារ ក៏បាន ឧបត្ថម្ភ ថវិកាចំនួន ១៥០០$ សំរាប់ចាក់ដីក្នុងសាលាបឋមសិក្សា ក្ដីចាស់ ស្មើនឹង ៥០ឡាន ផងដែរ៕
ចំនួនអ្នកទស្សនា
- ថ្ងៃនេះ4731
- ម្សិលមិញ3441
- សប្តាហ៍នេះ8181
- ខែនេះ80921
- ឆ្នាំនេះ557821
- សរុប21000277